Emigranti Zef Marku 44 vjeç, i cili prej vitesh jeton dhe punon në Itali, i ka shpëtuar jetën një foshnje që e ka gjetur të braktisur në qytetin e Brecias. Falë ndërhyrjes së shqiptarit që punon si portier prej vitesh, foshnja është jashtë rrezikut për jetën.
Ai tregon se fillimisht i thanë për një zë që ishte dëgjuar pranë godinës. Kishte qenë një kalimtar ai që e kishte njoftuar. Kaq i ishte dashur Zef markut për të vrapuar dhe gjetur Brenda një kutie një foshnjë të mbështjellë me peshqir.
Foshnja që peshon rreth dy kilogramë e gjysmë është në gjendje të mirë shëndetësore, ndërkohë karabinierët janë vënë në kërkim të prindërve, të cilët do të përballen me akuzën e braktisjes të të miturit. E vetmja shpresë për ta identifikuar është një grykashkë me shkrim në portugalisht dhe kamerat e sigurisë.
Discussion about this post