Një grup kërkuesish të Institutit Politeknik të Worcester në Massashusetts injektuan qeliza gjaku dhe të zemrës në gjethen e spinaqit. Paraprakisht gjethja u përpunua me lëndë kimike për të larguar të gjitha qelizat bimore dhe për të ruajtur nervurat ku normalisht qarkullon uji dhe lëndet ushqyese të bimës. Pas injektimit të qelizave shtazore, qelizat endoteliale u vendosën brenda nervurave duke krijuar një rrjete “enësh gjaku”.
Qelizat e zemrës u vendosën jashtë këtij rrjeti. Pas pesë ditësh qelizat e zemrës filluan të rrahin (tkurren) ashtu si dhe në zemrën e njeriut. Ky model hap rrugën e prodhimit të indeve shtazore në një substrat bimore. Ndoshta këto inde do të përdoren për të korigjuar enët e vogla të gjakut të zemrës si dhe dëmtimet që vijnë nga infarktet.
Ky zbulim konsiderohet një sukses që hap rrugën e fabrikimit të indeve shtazore në gjethet e bimëve. Biologja qelizore e molekulare nuk ndalet për të ofruar shërbime të pa dëgjuara për njerëzimin.
/Shuplaka/
Discussion about this post