Presidenti i Kukësit Safet Gjici ps ndeshjes me Luftëtarin ku ekipi tij humbi 1-0 është shprehur i kënaqur që Kukësi e fitoi titullin pa asnjë humbje.
Për humbjen e sotme ai tha se ekipi se mirë do të ishte mirë të mos e pësonte por nuk kishte karikimin e duhur për ta përballuar.
“Natyrisht e rëndësishme është që e kemi fituar këtë titull pa humbje. Kuptohet që dhe ekipi s’ka karikimin e nevojshëm për një ndeshje si e sotmja, do ishte mirë të mos humbim, rastet i kishim, por i shpërdoruan sulmuesit. Titullin e kemi marrë pa humbje, edhe rekordi do ishte i rëndësishëm por futbolli kështu është sepse pas triumfit ka rënie, kishim dhe dëmtime që na munguan sot”, deklaroi Gjici.
Kukësi ka filluar të mendojë edhe për pjesëmarrjen në Europë dhe Gjici deklaron se edhe pse i kemi cilësitë e duhura na duhen 3-4 blerje të tjera që të jenë në nivel t’i përgjigjen championsit.
“Sa i përket Champions-it, është një kompeticion që kërkon lojtarë cilësorë. Jo se nuk i kemi, por në disa reparte duhen 3-4 lojtarë që të jenë të niveleve që t’i përgjigjen Champions-it. Jemi në kontakte me disa menaxherë, do gjejmë më të mirët e mundshëm për të kaluar minimalisht turin e parë, edhe pse e dimë që është shumë e vështirë sepse grupi është shumë i vështirë. Nëse do kemi fat në short, besoj që do ia dalim”, ka thënë ai në një intervistë për “Gol pas Goli”.
Për sezonin që kaloi ai është shprehur se ka qenë i vështirë por në fund e drejta triumfoi sipas tij. Çelësin e suksesit e shikon tek puna, korrektësia, mbështetja e stafit teknik, ekipit dhe menaxhimi i mirë. (B.H/Shuplaka)
Discussion about this post