Ministri i Energjisë dhe Industrisë Damian Gjiknuri ka shkuar sot në Prokurorinë e Përgjithshme dhe ka qëndruar për rreth një orë kokë më kokë në bisedë me kryeprokurorin Adriatik Llalla.
”Shuplaka” u interesua lidhur me objektin e takimit dhe zyrtarisht nga ministria thuhet se prezenca e ministrit Gjiknurit lidhet me një takim rutinor për çështje të bashkëpunimit ndërinstitucional.
Por burime të sigurta thonë që prokuroria ka të hapur ende çështjen e kallëzimit nga PD-ja të vjedhjes së votave në Dibër dhe hetimi vazhdon. Mes të përmendurve nga demokratët për çështjen është edhe vetë ministri Gjiknuri.
Burimet thonë gjithashtu se prokuroria ka nisur të thërrasë personat e kallëzuar për këtë çështje.
Mësohet se Gjiknuri ka shkuar me vullnetin e tij në prokurori, pa u thirrur nga ta, duke qenë se nuk është kallëzuar zyrtarisht. Por Gjiknuri ka qenë një nga politikanët që punoi ngushtë me stafin e fushatës së socialistit që fitoi bashkinë Muharem Ramës.
Ajo që nuk dihet është nëse mes diskutimit për bashkëpunimin ndërinstitucional Ministri e Energjisë-Prokurori e Përgjithshme është folur edhe për çështjen konkrete./SHUPLAKA
Discussion about this post