Padyshim që ata analistë që kanë komentuar shpalljen e qeverisë së re ditën e djeshme nga Edi Rama, bien dakord në një pikë: pa surpriza dhe totalisht në shërbim të vetes së tij kryeministër.
Mero Baze, ndryshe nga të tjerët, sjell detaje që për publikun ndoshta janë jo dhe aq të njohura, edhe pse nuk dihet sa afër të vërtetave janë, lidhur me figurat e ministrave të rinj. Tre ”musketjerët” e qeverisë sipas Bazes janë Arben Ahmetaj, Damian Gjiknuri dhe Blendi Klosi që kanë marrë më shumë se gjysmën e qeverisë, bazuar sipas tij në ”suksesin e tyre elektoral dhe qetësinë që i krijojnë në punë” Ramës.
Analisti afër Ramës me qëndrimet e tij të shpeshta shkruan se ”të tre ish ministrat që kanë thuajse gjithë pushtetin janë figura luajale me shumë faktorë politikë brenda PS dhe jashtë saj, janë shumë familjarë me botën e biznesit, përfshi dhe dhe oligarkët e mëdhenj të Shqipërisë dhe të lidhur me shumë je dhe me botën e shtypit.”
”Prurjet e reja në qeveri, të cilat në shumicë janë femra, duket se vijnë më shumë për shkak të skemës që Rama ka në kokë për barazinë gjinore, se sa për identitetin e tyre…Sot imazhi i femrave që ka promovuar Edi Rama, janë drejtoreshat e tij, në tërësinë e tyre, të bukura, arrogante shpesh kokëboshe dhe nga pak hajdute.”, shkruan për përfaqësimin e grave në qeveri Baze.
Për Damian Gjiknurin
Gjiknuri është një makinë elektorale dhe zyrtar që mban ngarkesë të lartë pune.
Për Blendi Klosin
Klosi është një personazh shumë i pranuar brenda PS, që po ashtu ka përballuar një betejë elektorale të vështirë përballë LSI në Berat.
Për Arben Ahmetajn
Ahmetaj është ndoshta i vetmi ministër që i heq frikën Edi Ramës nga bota e vështirë e financës dhe ekonomisë me lehtësinë që ka, “për të thënë, mirë të bëhet mirë”. Ai pati sukses të ndjeshëm në shifrat e nancës dy vitet e fundit që mori Ministrinë e Financave, përmirësoi rritjen ekonomike, stabilizoi disa faktorë makroekonomikë dhe relaksoi raportet me FMN. Plus kësaj, ai i mbijetoi një beteje të paparashikuar elektorale në Kavajë, duke mbajtur PS në kuotat e saj, edhe pse rreziku për të humbur gjithçka ishte gati nga grryerja prej efektit “Rroshi” në Kavajë, që u pa me atë që ndodhi me Bashkinë.
Për Fatmir Xhafajn
Fatmir Xhafaj ishte i vetmi që dihej se ishte ministër dhe ka qenë ministër në hije dhe gjatë kësaj kohe që i ka përgatitur Edi Ramës skemën e re të organizmit të Ministrisë së Brendshme, duke u fokusuar shumë tek Vettingu i policisë, lidhjet e forta të policisë me komunitetin dhe përmirësimi i imazhit në bashkëpunimin me partnerët Perëndimorë.
Për Lindita Nikollën
Lindita Nikolla është rikonfirmuar jo vetëm për suksesin elektoral në Lezhë, por dhe faktin që ka kompletuar ndërkohë reformën në arsim duke e bërë atë funksionale dhe të prekshme për çdo student.
Për Niko Peleshin
Niko Peleshi, i cili ishte në një farë mënyre një kancelar i qeverisë “Rama1”, ka marrë përsipër Bujqësinë, sektorin më jetik të vendit dhe thuajse e vetmja shpresë që kemi për mbijetesë ekonomike. (V.G/SHUPLAKA)
Mero Baze, djathtas nga lart-poshtë: Arben Ahmetaj, Damian Gjiknuri dhe Blendi Klosi
