Ditën e sotme, ministri i Infrastrukturës dhe Energjisë, Damian Gjiknuri ka paralajmëruar mbi operacionin për pastrimin e objekteve të paligjshme nga nyjet dhe akset rrugore kombëtare.
Gjiknuri shprehet se edhe pak ditë kanë mbetur nga afati që qytetarët t’i heqin vullnetarisht tabelat, ndërsa shton se më pas do të jenë strukturat shtetërore që do të merren me këtë punë.
“Punonjësit e Autoritetit Rrugor Shqiptar, gjatë verifikimit në terren për dokumentimin e strukturave, objekteve, tabelave dhe aktiviteteve civile e tregtare të vendosura në kundërshtim me Kodin Rrugor. Fotografimi nisi në akset rrugore Tiranë-Lezhë dhe Tiranë-Rrogozhinë. Edhe pak ditë kohë për t’i hequr ato vullnetarisht. Më pas, strukturat shtetërore do veprojnë për të pastruar nyjet e akset rrugore kombëtare”, tha Gjiknuri këtë mëngjes.
Nga ana tjetër, punonjësit e Autoritetit Rrugor Shqiptar kanë nisur punën në terren për verifikimin e dokumentimin e strukturave, objekteve, tabelave dhe aktiviteteve civile e tregtare të vendosura në kundërshtim me Kodin Rrugor. (D.D/Shuplaka)
Discussion about this post