Jepnin ndihmë në kalimin e kufirt të paligjshëm, kundrejtën pagesës, janë arrestuar në flagrancë, ditën e sotme nga Policia Kufitare e Gjirokastrës 4 persona.
Nga burimet zyrtare mësohet se shtetasit janë arrestuar në pikën kufitare të Kakavijës.
Mësohet nga Specialistët e Grupit Operacional të Drejtorisë Vendore për Kufirin dhe Migracionin Gjirokastër në bashkëpunim me Specialistët kundër Trafiqeve të Paligjshme në Drejtorinë Vendore të Policisë Gjirokastër, janë arrestuar shtetasit:
Rasim Koxha, 48 vjeç, banues në Durrës, drejtues i automjetit tip Toyota me targa AA 108 MI.
Riza Hysa, 57 vjeç, banues në Burrel, drejtues i automjetit tip Audi, me targa AA 171 GK.
Besim Hysa, 34 vjeç, banues në Tiranë, drejtues i automjetit tip Mercedes-Benc, me targa AA 542 HB.
Gëzim Zeka, 29 vjeç, banues në Krujë, drejtues i automjetit tip Volswagen, me targa AA 737 MM.
Nga autoritete mësohet se arrestimi i këtyre shtetasve u bë pasi u kapën në flagrancë nga shërbimi i Grupit Operacional të Drejtorisë Vendore për Kufirin dhe Migracionin Gjirokastër, në rrugën dytësore në afërsi të aksit rrugor Jorgucat-Kakavijë duke transportuar me automjetet e tyre shtatëmbëdhjetë shtetas të huaj nga vendet e treta, origjina e të cilëve është nga Pakistani.
Bëhët me dije se në cilësinë e provës materiale u bë sekuestrimi i katër automjeteve dhe katër telefona celular.
Nga ana tjetër materialet i kanë kaluar Prokurorisë pranë Gjykatës së Shkallës së Parë Gjirokastër.
(E.V/Faxweb.al)
Discussion about this post