Gazetari Artan Hoxha ka reaguar lidhur me ekzekutimin që iu bë mëngjesin e sotëm dy vëllezërve Astrit dhe Ibrahim Bilali në hyrjë të banesës në Shkodër. (lexo ketu)
Sipas tij në Shkodër të gjithë e dinë se kush janë vrasësit, përveç policisë së Shkodrës, e cila është ”kthyer në një agjensi funerale, që mbledh viktima rrugëve”.
Reagimi i plotë:
Kambanat rane per ata qe s’kane vesh!!!!
Ekzekutohen vellezerit Ibrahim dhe Astrit Bilali. Viktimat numer 10 dhe 11 te nje seriali vrasjesh qe nisi vetem 8 muaj me pare, me 15 korrik 2018, kur para pallatit ku banonin u ekzekutuan ish-polici Boran Bercana dhe bashkejetuesja e tij, Silvi Ndoci qe mbante ne preher foshnjen e saj.
Kambanat e alarmit rane per ata qe nuk kane vesh, dhe kur ske vesh bilanci dihet…Kjo e sotmja eshte thjeshte kronika e nje vrasje te paralajmeruar…
Policia e Shkodres, qe eshte kthyer ne ndermarrje funerale, pasi vetem mbledh kufoma rrugeve te qytetit, deklaron se autoret jane te panjohur dhe kane ikur ne drejtim te paditur…
Vetem 8 muaj, 11 viktima, asnje vrasje e zbuluar, asnje emer autori, asnje vrases ne burg. Zinxhiri komandues i policise se Shkodres, nese nuk kujtohet kush tu largoje nga detyra, behuni burra jepni doreheqjen se me keq se kaq nuk ka ku shkon.
Ne te vertete gjithe Shkodra e di kush jane vrasesit dhe ne cfare drejtimi kane ikur, madje dhe ne cfare shtepie jane duke ndjekur lajmet mbi vrasjen ne tv.
Kujtojmë se vëllezërit Bilali u vranë mëngjesin e kësaj të shtune teksa ishin pranë derës së banesës së tyre në lagjen Kiras. Nga ana tjetër raportohet se autorët e dyshuar kanë braktisur mjetin e tyre në afërsi të banesës së fisit Licaj, pasi janë përpjekur t’i vënë zjarrin.
Në një kërkim të thjeshtë rezulton se Astrit Bilali dhe Ibrahim Bilali janë arrestuar më parë në vitin 2016, si pjesë e një grupi që trafikonte armë. Të dy vëllezërit kanë qenë të apasionuar ndaj hipizmit, ndërsa Ibrahim Bilali ka qenë kampion në këtë sport.
(E.K/FAXWEB.AL)
Discussion about this post