Seanca e sotme ndaj Berishës u shtye për datën 8 shkurt. Para ambjenteve të GJKKO foli avokati i ish-kryeministrit Genc Gjokutaj.
Në seancë pritej të shqyrtohej ankimimi i bërë prej avokatëve në lidhje me kërkesën e bërë më herët që Berisha të shkojë në parlament. Këtë kërkesë SPAK e kishte rrëzuar.
Gjokutaj tha për mediat se shtyrja e seancës është bërë me qëllim politik, pasi duan ta zvarrisin çështjen në mënyrë që mandati i deputetit Sali Berisha të digjet.
Për këtë, thotë ai, sot GJKKO u shpreh se Berisha nuk është njoftuar për seancën, ndërkohë që vajza e ish-kryeministrit, Argita Malltezi kishte firmosur njoftimin. Seanca e radhës është lënë për datën 8 shkurt.
Genc Gjokutaj: Kemi vijuar me ankimin e rrëzimit të SPAK. Sot ishte seanca për ankimimin. Në paradoks sot është dekriptuar që qëllim politik po realizohet nga Gjykata. E mbani mend që me masën ndaj Berishës në tetor ishin të pakomunikuara dhe ata i konsideronin të komunikuar. Sot është e kundërta. Sot gjykata e konsideroi Berishën të pa kominikuar, ndërkohë që Argita Malltezi e ka firmosur njoftimin e Berishës. Seanca shtyhet me qëllim të vetëm është degia e mandatit të deputetit të zotit Berisha. Është shtyrëe për datën 8 shkurt dhe të shohim ç’marifet do marrin . Sot ishte një qëndrim jo me 2 standarde por i shtatë fishtë.
Discussion about this post