Gjykata e Posaçme ka lënë në qeli Lulzim Berishën, i cili disa ditë më parë u ekstradua nga Spanja dhe akuzohet për vrasjen e Klodian Salihut.
Në një prononcim për media, avokati i tij Detar Hysi është shprehur se dëshmitë e të penduarit të drejtësisë, Luftar Reçi janë artifica për të mashtruar institucionet shtetërore.
Ai u bëri thirrje prokurroëve të posaçëm duke thënë se duhet t’i përkushtohen përgjegjësisë dhe pavarësi ushtrimit të detyrës.
“Duhet të sqaroj opinionin publik, se Luftar Reçi, krijon artifica duke mashtruar institucionet shtetërore. U bëj thirrje prokurorëve të posaçëm, që përdorimi i bashkëpunëtorë të drejtësisë, për interesa të caktuara, apo për statistika mediatike, cenon rëndë sigurinë kombëtare, të jetës dhe pronës.
Duhet të heqim dorë nga ky standard eksta ligjor, prokurori duhet t’i përkushtohet përgjegjësisë dhe pavarësisë në ushtrimin e detyrës”, tha avokati i Lulzim Berishës.
Kujtojmë se ih-kreu i bandës së Durrësit i shpëtoi burgimit të përjetëshëm pasi Gjykata e Lartë e prishi këtë vendim dhe dënoi me 25 vite pas hekurave. Por, ai u lirua me kusht pasi Vangjush Dako firmosi një shkresë që do ta punësonte në Bashkinë e Durrësit.
Discussion about this post