GJKKO pushon hetimin për Agron Çelën, e kërkoi SPAK! Deputeti socialist u padit nga një qytetar për mos dhënie borxhi, por rezultoi i paguar

Me kërkesë të SPAK, GJKKO pushon hetimin për mashtrim ndaj deputetit Agron Çela. Hetimet nisën pasi një qytetar e kallëzoi se s’i kthente paratë e marra borxh. por ka rezultuar se ishte paguar borxhi.

Vendimi u mor nga gjyqtari Erjon Çela.

U vendos Pranimi i kërkesës së Prokurorisë së Posaçme Kundër Korrupsionit dhe Krimit të Organizuar.

Pushimin e çështjes penale që i përket procedimit penal nr. 22 i vitit 2024 i Prokurorisë së Posaçme kundër Korrupsionit dhe Krimit të Organizuar regjistruar për veprën penale “Mashtrimi” e parashikuar nga neni 143/1 i Kodit Penal, pasi në zbatim të nenit 328/1 pika 1, gërma “b”, të K.Pr.Penale, nga hetimet e kryera fakti nuk parashikohet nga ligji si vepër penale.

Prokuroria e Posaçme kundër Korrupsionit dhe Krimit të Organizuar me datë 15.10.2024 paraqiti pranë Gjykatës kërkesën me objekt: “Kërkesë për pushimin e procedimit penal nr. 22 të vitit 2024.