100 000 euro është dëmshpërblimi që do të marrin duka dhe dukesha e Kembrixhit pasi një revistë franceze publikoi fotot topless të Kate Middleton.
Fotot në fjalë janë publikuar nga revista franceze“Closer”, dhe vendimi është dhënë po nga një Gjykatë franceze.
Pamjet janë shkrepur në vitin 2012, kohë kur çifti ishte me pushime në Provence në një vilë në pronësi të një të afërmi të familjes mbretërore.
Pallati “Kensington” tha se familja mbretërore e Britanisë ishte e kënaqur me vendimin e gjykatës franceze.
Gjykata po ashtu gjobiti editorin dhe pronarin e revistës “Closer “ me 45 mijë euro, maksimumi i shumës së lejuar.
Sipas medias britanike, dëmshpërblimi me nga 50 mijë euro për Dukën dhe Dukeshën përbëjnë një shumë të vogël në krahasim me 1.6 milionë eurot që kanë kërkuar avokatët e tyre.
Në një sqarim kohë më parë princi William ishte shprehur se publikimi i fotove ishte një shkelje shumë e rëndë e privatësisë së tyre.
“Në shtator 2012, bashkëshortja dhe unë mendonim se mund të shkonim në Francë për disa ditë në një vilë të izoluar në pronësi të një anëtari të familjes sime, dhe kështu të gëzonin privatësinë tonë .
Ne e njohim Francën dhe francezët dhe ne e dimë se ata janë në, parim, respekt për jetën private, duke përfshirë atë të miqve të tyre.
Mënyra klandestine në të cilën u morën këto fotografi ishte veçanërisht tronditëse për ne pasi shkelën privatësinë tonë”, shprehej ndër të tjera William.
(E.K/SHUPLAKA)
Discussion about this post