Ernest Gjoka i është gëzuar fitores 2-0 të shënuar ndaj Skënderbeut në kuadër të javës së 17-të të Superiores.
Trajneri i verilindorëve nëpërmjet “SuperSport” ka përgëzuar skuadrën për lojën e zhvilluar dhe fitoren e arrirë ndaj kampionëve në fuqi.
“Mendoj që ishim përgatitur për këtë ndeshje i dinim vështëristë që do të na krijonte kundërshtari. Rezultati ishte ai që kërkonim gjatë gjithë kohës. Skuadra bëri detyrën në maksimum dhe jam shumë i kënaqur për atë personalitet që ata treguan në lojë. Sot bëmë një rikuperim ndaj një skuadre rivale që kemi ndarë kaq ditë kreun me të”.
Për penalltinë
“Për mua që e pashë live këtu në fushë, ishte penallti, ndoshta ju atje në studio nuk ju duket. Kujtoj gjithashtu se ndaj Partizanit dora e Kalarit ishte penallti dhe nuk na e dhanë”.
Titulli
“Kemi një kauzë dhe kauza jonë është të shkojmë drejt titullit kampion, presidenti ka ndërtuar një skuadër me cilësi brenda, kështu që ai do që të fitojmë çdo ndehsje. Ne duhet të marrim pikë dhe të mos rrëshqasim në këto ndeshje që nuk duhet të rrëshqasim”.
Discussion about this post