Ernest Gjoka është shprehur i lumtur fitoren e marrë ndaj Flamurtarit në “Zeqir Ymeri”. Trajneri i kuksjanëve përgëzoi skuadrën për ndeshjen e zhvilluar dhe kryesimin e renditjes.
“Skuadra ka bërë një lojë të mirë sot. Me rëndësi ka që arritëm të administronim dhe rezultatin. Ndaj Pejiç pati një mbulim të ashpër, megjithëse sot ka luajtur mirë. Shpërdoruam shumë dhe kjo na detyroi të mbylleshim për të mos rrezikuar në minutat e fundit. Futbolli është lojë e rrjedhshme; nëse nuk shënon golin e sigurisë, detyrohesh të jesh i kujdesshëm në 20 minutat e fundit. Prandaj u tërhoqëm, pasi kishim përballë një kundërshtar me cilësi”.
Për lojtarët
“Ishim më të kujdesshëm seç duhet sot, por është vetë presioni që të shtyn mbrapa për të mbajtur avantazhin. Përveç mbrojtësve që kanë spikatur sot mirë, ka qenë merita e gjithë skuadrës kjo fitore”.
Discussion about this post