Ish- ministrja e Integrimit Klajda Gjosha, ka kritikuar kryeministrin Edi Rama për vendimin e tij për të shkrirë ministrinë e Integrimit me atë të Punëve të Jashmte, në një ministri që e ka quajtur “Ministria për Europën dhe Punët e Jashtme”.
Gjosha ka përmendur shembujt e shteteve që Rama ka dhënë, që e kanë patur ministrinë e Integrimit dhe e kanë mbyllur. Si rasti i Kroacisë.
“ Ishte e vështirë të koordinoje 72 institucione, shpresh edhe në presione afatesh të ndryshme. Ne arritëm, në qershor të 2014 të merrnim statusin kandidat për në BE, dhe rekomandim për çelje negociatash në qershor 2016.
Ne nuk i pamë këto si asnjë trofe, e asnjë force politike, por si arrtije të qytetarëve tanë. Por sot, Shqipëria ka hyrë në fazën më të rëndësishme të këtij procesi. Ashtu siç i është dashur, por edhe i duhet për të përballuar me një punë të adhe. Meqë vazhddimisht është përmendur rasti i Kroacisë, ju sjell në vëmendje se e ka patur një ministri integrimi dhe vetëm pas çeljeve të negociatave e aplikoi këtë qasje. Ndërsa në Shqipëri, që këtë proces se kemi mbyllur akoma, eksperienca tregoi nevojën e një ministrie të posaçme, edhe në Shqipëri do duhet, por si gjithmonë kam përshtypjen se do të jetë tepër vonë.
Pavarësisht kësaj, duhet të respektojmë zgjedhjen e kryeministrit. Por më duhet të them se sot nuk kemi asnjë lloj vizioni si do aplikohet me procesin e integrimit. Shpresoj, këtu është me interes të kuptohet se çfarë keni ndërmend të bëni me misionin tonë të vërtetë.
Mos të harrojmë që nuk mund të ketë Shqipëria stabilitet, aq më tepër të jetë faktor stabiliteti në rajon nëse do vazhdojë të funksionojë me paterica.”, është shprehur Gjosha. (D.D/Shuplaka)
Discussion about this post