Ministrja e Integrimit Europian, Klajda Gjosha ndodhet në Londër në kuadër të një vizitë zyrtare, ku ka zhvilluar një takim me Ministrin e Shtetit për Çështjet Europiane të Britanisë së Madhe, Alan Duncan.
Në takimin kokë më kokë të tyre, dy zyrtarët e vendeve mike, vlerësuan marrëdhëniet shumë të mira mes dy vendeve, duke theksuar rëndësinë e bashkëpunimit të mëtejshëm në shumë fusha veçanërisht atë ekonomike.
Në fjalën e saj, ministrja Klajda Gjosha, shprehu fillimisht falënderimet për mbështetjen që Britania e Madhe i ka dhënë Shqipërisë gjatë gjithë këtyre viteve, duke thënë më tej se Shqipëria ndjek me interes zhvillimet në Britani veçanërisht pas BREXIT, dhe e ka mirëpritur konfirmimin për bashkëpunim të ngushte BE-Britani në çështjet me interes të përbashkët.
Një tjetër pikë ku u ndalën dy bashkëbiseduesit ishte ajo e reformës në drejtësi. Ministri Duncan vlerësoi miratimin e konsensual të kësaj reforme duke e u shprehur se zbatimi i saj do të ndikojë në progresin e mëtejshëm të Shqipërisë nëpërmjet forcimit të shtetit të së drejtës. Qeveria britanike ka shprehur gadishmërinë për të mbështetur me ekspertizë në zbatimin e kësaj reforme.
Nga ana tjetër, Gjosha u shpreh se Shqipëria e sheh procesin e integrimit në Bashkimin Europian, si një proces transformues për të ardhmen e vendit dhe është e vendosur të plotësojë të gjitha kushtet të cilat do të rrisin standardet e jetës së qytetarëve. (XH.A/SHUPLAKA)
Discussion about this post