Deputetja e LSI-së Klajda Gjosha në një konferencë hodhi përsëri akuza të rënda mbi kryeministrin Rama. Ajo u shpreh se Rama përdori Arta Markun për ta vendosur në këtë post pasi sipas saj ai është vetë tashmë Kryeprokuror.
“Dënojmë gjithashtu fyerjen dhe që përdori një grua që u zgjodh nga vota të pavlefshme si Kryeprokurore e Përgjithshme. Rama dje emëroi në krye të këtij institucioni një grua që do ta përdorë. Por ai dje emëroi veten e tij si Kryeprokurro . Ne do ta vazhdojmë misionin tonë për tua rikthyer Shqipërinë gjithë Shqiptarëve”, u shpreh Klajda Gjosha.
Arta Marku e ka marrë sot detyrën nga paraardhësi i saj, Adriatik Llalla. Ka qenë një ceremoni e thjeshtë e bërë në ambientet e Prokurorisë së Përgjithshme, ku Llalla i ka dorëzuar detyrën Markut. Në dalje të organit të akuzës Llalla u shfaq i qetë dhe i buzëqeshur teksa u tha gazetarëve se do të shiheshin së shpejti. Nuk dihet rruga që do të ndjekë ish-kryeprokurori pas largimit nga detyra, po mesa duket zëvendësimi dhe për atë vetë ka qenë i pritshëm. Gjatë detyrës së tij Llalla e pati të pamundur që të hetonte çështje të rëndësishme, dhe kur u duk se një dosje e madhe si ajo e Tahirit do të dilte në dritë vjen edhe zëvendësimi i tij. Arta Marku ka qenë prokurore në Shkodër dhe në rrethet e ngushta njihet si vartësja e deputetit socialis Ulsi Manja, kur kanë punuar së bashku në qytetin verior. (J.V/Faxweb)
