Policia ka arrestuar ditën e sotme shtetasin, Ylli Zhuleku dhe shtetasin SH.H, pasi ushtronin gjueti të paligjshme brenda “Parkut Kombëtar të Prespës”.
Po ashtu spolicia ka sekuestuar në mjetin e e tyre 2 armë gjahu (çifte) 2 ndriçues elektrikë si edhe një sasi fishekësh çifte.
NJOFTIMI I POLICISË:
Më datë 01.09.2017, gjatë kontrollit që shërbimet e Komisariatit të Policisë Devoll kanë ushtruar në afërsi të fshatit Tren, brenda “Parkut Kombëtar të Prespës”, kanë konstatuar shtetasit Ylli Zhuleku dhe Sh.H, në mjetin me targa DV2188A, për të cilët lindën dyshime se ushtronin gjueti të paligjshme në këtë zonë.Gjatë kontrollit të ushtruar në mjetin e mësipërm, iu gjetën e bllokuan:
2 armë gjahu (çifte),2 ndriçues elektrikë si edhe një sasi fishekësh çifte.
Gjithashtu kontrollet e Policisë kanë vijuar edhe në banesat e këtyre shtetasve, ku konkretisht tek banesa e Ylli Zhulekut iu gjet e bllokua me cilësinë e provës materiale 1 armë gjahu (çifte) dhe 70 copë fishekë pistolete model 56, pa lejen e organeve kompetente.Si edhe në banesën e shtetasit Sh.H, u gjet e bllokua 1 tjetër armë gjahu (çifte).
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale : “Prodhimi dhe mbajtja pa leje e armëve luftarake dhe e municionit”, “Prodhimi dhe mbajtja pa leje e armëve të gjuetisë dhe sportive” parashikuar nga nenet 278/4 e 280 të Kodit Penal.
(S.SH/Shuplaka)
[ngg_images source=”galleries” container_ids=”2686″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post