Kryeministri Edi Rama ka bërë një deklaratë të fortë paraditen e sotme në takimin që zhvilloi me të rinjtë e FRESSH. Në fjalën e tij, Kryeministrii ceku dhe çështjen e gjuhës shqipe në Maqedoni dhe ligjin për zyrtarizimin e saj.
Kryeministri tha se nëse sot në Maqedoni ka një ligj për gjuhën shqipe atëherë ky sukses i atribuohet qeverisë shqiptare dhe Partisë Socialiste.
“Nëse përpara pak ditësh në parlamentin e Maqedonisë kaloi një ligj që as nuk mund të imagjinohej, deri vetëm pak kohë më parë, unë po ju them sot me krenari që duhet të jeni të gjithë krenar, duhet të jenë krenar të gjithë ata që e kanë votuar, e kanë mbështetur dhe e kanë besuar këtë parti, sepse pa këtë parti në udhëheqjen e vendit nuk do të kishte sot Gjuhë Shqipe të zyrtarizuar me ligj në Maqedoni”, tha Rama.
(F.G/Faxweb)
Discussion about this post