Drejtori i Zyrës për Kosovën në Qeverinë e Serbisë, Marko Gjuriç, ka akuzuar Prishtinën zyrtare se gjatë ditëve të fundit, kishte në plan të krijonte kushte për përgatitjen e një masakre të re kundër popullsisë serbe në Kosovë, e cila u parandalua falë ndërhyrjes së kryeministrit të Serbisë, Aleksandar Vucic.
“Vendi ynë ditëve të fundit ka qenë objekt i një plani politik shumë cinik dhe objekt intrigash, që kishte për qëllim të krijonte kushte politike për diçka që do të ishte një masakër e re kundër serbëve në Kosovë”, është shprehur ai për televizionin publik serb.
Sipas Marko Gjuric, justifikim për këtë sulm do të ishte një çështje komunale në Mitrovicë, “një mur mbajtës, që është rënë dakord tashmë për të lëvizur dy metra prapa”. Më tej, drejtori i Zyrës për Kosovën në Qeverinë e Serbisë, tha se Vucic ka dalë haptas duke u shprehur se Serbia nuk do të pranojë për asnjë kusht që serbët në Kosovë të jenë cak i masakrave të reja dhe dhunës së re ndaj u është dërguar porosi adresave më të rëndësishme në botë. (XH.A/SHUPLAKA)
Discussion about this post