Partia Socialiste nuk e ka apeluar vendimin e gjyqtares së Durrësit në gjykatën e Apelit, por ka zgjedhur ta rishqyrtojë çështjen në një proces të ri, me një gjykatës të ri I cili ka qenë gjyqtari Shpëtim Reka.

Burime per Faxweb.al, nga brenda Gjykatës së Durrrësit bëjnë me dije se Valbona Sako është konfirmuar në detyrën e kryebashkiakes së retë qytetit bregdetarë.  PS ka bërë dje dorëzimin dhe regjistrimin e padisë me objekt: ‘vërtetimin e mandatit të Bashkisë Durrës për Valbona Sakon.

Vërtetimi erdhi pas kërkesës për ta bërë këtë gjë që i ka dërguar Partia Socialiste dje, firmosur nga kryesocialisti Edi Rama.

Rama i është drejtuar të enjten me një kërkesë Gjykatës së Durrësit, duke i kërkuar të njohë fituesen e Aleancës për Shqipërinë Evropiane në Bashkinë Durrës, Valbona Sako. Shorti i ra gjyqtari Shpëtim Reka, i cili mori një vendim të ndryshëm nga kolegia e tij që i quajti të pavlefshme zgjedhjet për shkak të regjistrimit të Bindjes Demokratike përtej afateve.

Të njëjtën strategji pritet që PS-ja të ndjekë edhe me Vorën, pra duke përsëritur kërkesën, këtë herë jo nga kandidati fitues, por si subjekt Partia Socialiste me kryetar Edi Ramën.

Kujtojmë se në vendimin e saj të mëparshmë, gjykata argumenton se Bindja Demokratike është regjistruar në gjykatë më 25 prill, në tejkalim të afatit për regjistrim si subjekt zgjedhor në KQZ. Ndërkohë vendimi për zgjedhjet është dhënë nga Kolegji Zgjedhor si gjykata më e lartë vendimarrëse për procesin zgjedhor.

(F.GJ/FAXWEB.AL)