Gjykata e Elbasanit ka lënë në burg gjashtë të arrestuarit si anëtarë të grupi të strukturuar kriminal.
Kështu vendosi gjyqtari Ramazan Avdiu pas shqyrtimit të materialit të prezantuar nga prokurori Ridvan Sula.
Fax news raporton se në pretencën e tij prokurori Sula kërkoi ndalimin e të arrestuarve, duke argumentuar se ata dispononin element të rrezikshëm, referuar materialeve plasëse.
Masa e arrestit me burg u dha për Geraldo Yzeirllari, Kristi Maxhari, Kristian Petani, Edmond Abazi, Gazmor Kokla dhe Ergest Lipo, i arrestuar vetëm një ditë më parë.
Avokatët e të arrestuarve e konsideruan të padrejtë vendimin pasi , 6 të ndaluarit nuk janë pjesë en jë grupi kriminal, sikurse citohet, vetëm se kanë njohje me njeri- tjetrin.
Procesi u zhvillua me dyer të mbyllura pa praninë e medias. Gjatë operacionit “Porosia” dy ditë më parë u sekuestruan 82 kallëpe tritoli, një automjatik, një pushkë, 400 fishekë dhe rreth 1.5 kg lëndë narkotike kanabis. Grupi kriminal dyshohet i përfshirë në disa atentate me eksploziv jo vetëm në Elbasan por edhe në qytete të tjera. Policia ra në gjurmët e grupit pas një hetimi disa mujor me metoda speciale , ndërsa arrestimi u krye nga forcat e posacme në disa ndërhyrje në Pogradec dhe Gramsh.
Ndërkohë vijojnë hetimet për dokumentimin e plotë të veprimtarisë kriminale të këtyre shtetasve , si dhe identifikimin e bashkëpunëtorëve të tjerë të mundshëm. 6 të arrestuarit që u lanë në burg: Geraldo Yzeirllari Kristi Maxhari Kristian Petani Edmond Abazi Gazmor Kokla Ergest Lipo
(F.M/Faxweb)
