Gjykata e Krimeve të Rënda lë në burg të arrestuarit që u kapën me 2.5 ton drogë

Gjykata për Krimet e Rënda ka lënë në burg të arresturit që u kapën me  2.5 ton drogë. Gjykata ka dhënë “arrest me burg” për 8 të arrestuarit.

Krimet e Rënda kanë dhënë masën “arrest me burg”, për nënkomisarin e Fierit, Festim Lelaj.  Lelaj akuzohet se është organizatori i trafikut të 2.5 tonëve kanabis në Itali. Skaq, krimet e rënda kan lënë në burg edhe 7 të dyshuarit e tjerë.

Të arrestuarit e tjerë janë:  Gëzim Dervishi, Agron Kapllani, Skënder Siçeqa, Arbër Mustafa, Altin Katundi dhe Mikail Hila

DETAJE:

Gjatë mbrëmjes së djeshme Lelaj është sjellë drejt Tiranës, ku në ditët në vijim pritet të dalë para Gjykatës së Krimeve të Rënda për tu njohur me masën e sigurisë.

Hetimi i kësaj dosje është udhëhequr nga prokurori Dritan Prençi. Nga hetimi, rezulton se Lelaj nuk është organizator i trafikut të 2.5 ton droge me kamion përmes Portit të Durrësit, por persona të tjerë fshihen pas tij. Në janar të 2017 ngarkesa i kaloi të gjitha pengesat dhe kontrollet në Portin e Durrësit, ndërsa u pikas nga autoritetet italiane në Ancona ku u arrestua drejtuesi i kamionit Dhimo Koraj.

Krahas, drejtuesit të lartë të policisë së Fierit, prokuroria ka lëshuar urdhër-ndalimi edhe për dy persona të tjerë, Skënder Siceqa dhe Arbi Mustafa. Ndërsa kohë më parë janë prangosur edhe Demo Progonati, Euron Hoti, Malton Lleshi dhe Aurel Lazaj, të cilët tashmë hetohen me masë e sigurimit “arrest në burg”.

Të arrestuar
Festim Lelaj
Demo Progonati
Euron Hoti
Malton Lleshi
Aurel Lazaj

Në kërkim
Skënder Siceqa
Arbi Mustafa

(J.V/Faxweb)