Gjykata e Lartë ka urdhëruar lirimin nga burgu të njërit prej anëtarëve të bandës së Durrësit.
Nga Gjykata e Lartë ka liruar nga burgu Indrit Taullai, raporton ABC News. Indrit Taullai ishte i dënuar me 25 vite burg si pjesë e bandës së Durrësit.
Sipas informacioneve të deritanishme ky lirim ka ardhur për shkak të problemeve shëndëtesore të tij. Gjykata vendosi që ai të marrë trajtim mjekësor në shtëpi.
Sjellim në vëmendje që ky lirim ka ardhur edhe pas liriti të Lulzim Berishës, një tjetër drejtues i bandës së Durrësit lë qelinë.
Banda kriminale ka nisur të veprojë në Durrës prej vitit 1998, kur Lulzim Berisha, në bashkëpunim me Plaurent Dervishaj, Adriatik Colin, Klodian Saliun dhe Ilir Xhungën vranë me armë zjarri Dritan Sallakun.
Seriali i vrasjeve u bë edhe më i qartë kur në pranverën e vitit 2006 u arrestuan shtatë persona, mes të cilëve katër të akuzuar si vrasës me pagesë. Njëri prej tyre, Adriatik Coli u pendua dhe bashkëpunoi me drejtësinë pas riatdhesimit nga Italia, duke treguar një pjesë të mirë të shkaqeve dhe autorëve të ngjarjeve kriminale. (J.V/Shuplaka)
