Gjykata e Posaçme kundër Korrupsionit dhe Krimit të Organizuar ka rrëzuar kërkesën e Ilir Beqajt dhe Ermal Kurtulajt për ndryshimin e masës së sigurisë nga “arrest në burg” në “arrest shtëpie”.
Gjyqtarja e çështjes pranoi kërkesën e Prokurorisë për zgjatjen me 3 muaj të afateve hetimore dhe të paraburgimit për të akuzuarit.
Gjatë seancës, ish-drejtori i SASPAC, Ilir Beqaj, dhe avokati mbrojtës, Ermal Yzeiraj, u shprehën dakord me zgjatjen e afateve hetimore, duke kërkuar kryerjen e disa hetimeve shtesë. Megjithatë, ata këmbëngulën për ndryshimin e masës së sigurisë.
Sipas vendimit të gjykatës, masa e sigurisë nuk mund të ndryshojë në këtë fazë, pasi ekziston dyshimi se të hetuarit mund të largohen nga territori.
Ilir Beqaj, Ermal Kurtulaj dhe Alfred Nikollaj u arrestuan më 4 korrik të këtij viti me urdhër të SPAK-ut, në kuadër të hetimeve për dosjen SASPAC, ku Beqaj dyshohet se ka abuzuar me fondet e Bashkimit Evropian gjatë kohës që drejtonte këtë agjenci.
Discussion about this post