Kërkesa e Prokurorisë së Posaçme Antikorrupsion që për tre gjyqtarët e dosjes “Dajti”, Skënder Damini, Petrit Alija dhe Aleks Nikolli të pushohen hetimet është rrëzuar nga Gjykata e Posaçme Antikorrupsion.
Në orën 14:00 Gjykata e Posaçme u mblodh për të shqyrtuar kërkesën dhe pas diskutimeve që zgjatën afro 1 orë, vendosi që për 3 gjyqtarët të vijojnë hetimet. Gjyqtarët u vunë nën hetim nga Prokuroria e Krimeve të Rënda pasi ulën dënimin për Dritan Dajtin.
Ata akuzohen se u përfshinë në një aferë korruptive duke marrë vendimin lehtësues për Dritan Dajtin, i dënuar për vrasjen e 4 policëve. Kujtojmë që SPAK kërkoi pushimin e hetimeve pasi sipas tij, nuk ka prova që të provojnë fajësinë e gjyqtarëve.
(M. I./ Faxweb.al)
Discussion about this post