Gjykata e Shkodrës ka lënë në burg ish- drejtorëshën e Shtëpisë së Fëmijës në këtë qytet, Albana Llazanin. Gjykata ka vendosur masën “arrest me burg” për Llazanin. Avokati i Llazanit ka kërkuar shtyrje të seancës gjyqësore. Ajo akuzohet për skandalin e ndodhur me fëmijët në Jetimore.
Albana Llazani, ish-drejtoresha e qendrës, Shpresa Nishani, Rafaela Camaj, Violeta Marku, dhe Najada Rramolli punonjëse te jetimores akuzohen për shpërdorim detyre dhe keqtrajtim të miturish, teksa prokuroria e metropolit verior, ka paraqitur si prova aktet e ekspertimit mjekoligjor.
Akuzat e ngritura nga Prokuroria lidhen me abuzime seksuale ndaj 3 vajzave të mitura në Shtëpinë e Fëmijës në Shkodër. Sipas burimeve nga prokuroria vajzat veçse janë abuzuar seksualisht e vërtetuar kjo nga ekspertiza mjekësore dhe rrahur, i janë gjetur në trup hematoma dhe djegie nga cigarja,çka nënkupton veprime çnjerëzore mbi të miturat. (J.V/Shuplaka)
Discussion about this post