Gjykata e Tiranës ka vendosur që të kufizojë qasjen online të personave, mbi proceset apo çështjet penale. Sipas gjykatës, kjo bëhet në kuadër të ligjit për mbrojtjen e të dhënave personale dhe si një përgjigje e rekomandimeve të Komisionerit për mbrojtjen e të dhënave personale.
Kështu, që prej ditës së sotme në faqen zyrtare në internet të Gjykatës së Tiranës, nuk do të publikohen më emrat e të pandehurve. Gjithashtu, askush nuk mund të ketë më qasje mbi një process ose vendim penal, përveç atyre personave që janë palë në process, apo që kanë një interes të ligjshmëm në të.
Madje edhe qasja e këtyre personave do të bëhet përmes një sistemi mbojtës, nëpërmjet një kodi unik, i cili për çdo çështje penale do të jetë i ndryshëm dhe do të jepet nga Sekretaria gjyqësore pas kërkesës së palëve.
Megjithatë ky vendim i gjykatës, pavarësisht se i shërben ligjit për mbrojtjen e të dhënave personale, bie në kontraditë me ligjin për transparencën në gjyqësor. (D.D/Shuplaka)
