Ish Kryeministri Sali Berisha ka reaguar rreth vendimit të marrë nga Gjykata e Vlorës, ku dhe iu caktua masa ‘arrest me burg’.
Me anë të një postimi në Facebook, Berisha u shpreh se ky është një akt stalinist i Edi Ramës. Më tej ish-kryeministri shtoi se Beleri është rrëmbyer në mesnatë nga narkopolicia, për të siguruar kështu vazhdimin e kontrollit mafioz të Ramës, të plotë mbi trojet dhe tokat e banorëve të Himarës.
Sakaq, kujtojmë se avokati i Fredi Belerit, në një deklaratë për mediat ka treguar se Gjykata e ka cilësuar arrestin të ligjshëm dhe se dosja do t’i kalojë SPAK-ut, ku Gjyzari thotë se mund të cilësohet dhe si arrest i paligjshëm.
Postimi i Plotë i Berishën në Facebook:
Akt stalinist i Edi Ramës.
Ai, për interesa të tij mafioze, urdhëron mbajtjen në burg të kandidatit të koalicionit “Bashkë Fitojmë” të rrëmbyer në mesnatë nga narkopolicia, Fredi Bejleri për të siguruar kështu vazhdimin e kontrollit të tij mafioz, të plotë mbi trojet dhe tokat e banorëve të Himarës.
Duke dënuar me forcën më të madhe këtë akt të shëmtuar policesk, ju bëj thirrje banorëve të Bashkisë Himarë, të dalin të gjithë në votime dhe të votojnë për mbrojtjen e pronave të tyre nga Edi Rama dhe banda e tij në bashkinë e Himarës.
Discussion about this post