Gjykata e Colmar në Francë ka dhënë vendimin për kreun e Aleancës për Ardhmërinë e Kosovës, Ramush Haradinaj, i cili u arrestua një ditë më parë Aeroportin Bazel / Mulhouse, pas një urdhër arresti të lëshuar nga Serbia në vitin 2004.
Sipas medieve vendase, Gjykata ka vendosur burgim të përkohshëm për Haradinaj derisa Beogradi të përgatisë kërkesën për ekstradim.
Ish-kryeministri i Kosovës, Ramush Haradinaj, u ndalua edhe në qershorin e 2015-ës në Slloveni, po për të njëjtën arsye, por pas disa orësh u la i lirë.
Serbia e akuzon Haradinajn për krime lufte gjatë konfliktit të armatosur në Kosovë, akuza për të cilat është shpallur dy herë i pafajshëm nga Gjykata Ndërkombëtare e Hagës. (A.R/SHUPLAKA)
Discussion about this post