Gjykata e Tiranës ka gjobitur me 300 mijë lekë të reja Jorida Tabakun, ish-deputeten e PD-së. Ndaj tij kishte ngritur padi për shpifje kryeministri Edi Rama.
Mësohet se kryeministri kërkonte 1 milionë lekë dëmshpërblim për deklaratën e bërë nga Tabaku, që gjatë qeverisjes së Edi Ramës ishin katërfishuar lojërat e fatit.
Sipas vendimit të sotëm të gjykatës, Tabaku detyrohet ti paguajë Ramës si dëmshpërblim shumë prej 300 mijë lekësh.
“Detyrimin e pales se paditur, Jorida Tabaku, t’i paguaje paditesit Edi Rama si demshperblim per demin jopasuror te shkaktuar nepermjet deklarimit te saj ne faqen Facebook te dates 25.10.2018 shumen prej 300 mije leke”- thuhet në vendim.
Nga ana tjetër Gjykata detyron Tabakun që të publikojë një përgënjeshtrim në faqen e saj në FB, në lidhje me deklaratën e asaj date, brenda një afati prej 7 ditësh nga dhënia e këtij vendimi.
