Gjykata jep vendimin për 6 personat e mbetjeve ‘kancerogjene’, përplasje të ashpra në seancë, humb ndjenjat gruaja e biznesmenit

Është dhënë masa e sigurisë për 6 personat e arrestuar në Vlorë, të dyshuar se transportonin lëndë kancerogjene nga Italia.

4 prej personave të arrestuar janë lënë në burg nga ana e gjykatëses Albana Selmanaj, dhe kjo ka sjellë reagimin e familjarëve, që jo vetëm kanë protestuar, por njërës prej tyre i ka rënë dhe të fiktë.

Gazetarja e Fax News, Afrovita Hysaj raporton se vendimi është pritur me ulërima, dhe ka pasur një numër shumë të madh të familjarëve.

Gruaja që ka humbur ndjenjat është Romina Kormuzi, gruaja e promarit të firmës së grumbullimit të mbetjeve, Zamir Kormuzi.

Vendimet e dhëna nga Gjykata: 

-Kujtim Xhafellari 65 vjeç, banues në Vlorë, zëvendës kapiten i St Damianit… arrest me burg

-Arbër Çuni 28 vjeç, banues në Vlorë shoferi i furgonit… arrest me burg

-Festim Tafa, 72 vjeç, banues në Vlorë, kapiteni i tragetit St Damian …arrest shtëpie

-Zamir Kornuzi, 46 vjeç, banues në Vlorë, pronar i firmës së grumbullimit… arrest me burg

-Elisabeta Cuni 55-vjeçe, banuese në Vlorë, administratore e firmës së pastrimit “delfini1″… arrest me burg.

-Agron Brataj, 48 vjeç, banues në Vlorë, drejtori operativ i agjencisë së biletave… detyrim paraqitje

(E.K/Faxweb.al)