Gjykata e Tiranës ka vendosur 400.000 lekë gjobë ndaj kirurgut Petrit Rexhepi dhe anestezistes Elona Burba. Këta dy mjekë akuzoheshin për vdekjen e Doriana Hakës, gruas së portierit të Partizanit, Alban Hoxha.
Doriana Haka ndërroi jetë në 19 nëntor 2014 si pasojë e një komplikacioni shëndetësor pas lindjes së fëmijës. Prokuroria kishte kërkuar “arrest me burg” 5 vjet për dy mjekët.
Menjëherë pas vendimit, ka reaguar nëna e Doriana Hakës, e cila mësohet të ketë thënë: “Ma vranë vajzën për së dyti”.
Përpara shpalljes së vendimit, babai i Doriana Hakës, Enver Haka, u shpreh për gazetën “Panorama” se shpresonte që vendimi ndaj mjekëve të jetë i drejtë: “Dënimi tyre duhet të jetë shembullor. Ai dënim nuk mund të zbusë dhimbjen time, por besoj dhe shpresoj se do të shërbejë që prindër të tjerë të mos vuajnë si unë dhe familjarët e mi.”
(XH.A/SHUPLAKA)
Discussion about this post