Gazetari i kronikës Flamur Vezaj reagon ashpër mbi lajmin se Gjykata e Tiranës ka vendosur të kufizojë qasjen “online” të personave të interesuar mbi një çështje penale.
Sipas Vezaj, ky veprim veçse dëshmon frikën e Gjykatës nga ligji i Vettingut.
“Frika nga VETINGU dhe zbardhja e vendimeve absurde qe kane dhene, detyron kryetaren e Gjykates se Tiranes te mbyll faqen e internetit! Miliona fonde jane dhene nga USAID-i per transparencen ne gjyqesore dhe ne emer te mbrojtjes se te dhenave personale, gjykata mbyllet ne guacken e saj te paligjshmerise! TURP #nuk_fshihet_dielli_me_shosh# #te_fala_vetingut#”, shkruan Vezaj.
Gjatë ditës së sotme, gjykata vendosi që në faqen zyrtare të gjykatës në internet nuk do të shënohen më emrat e të pandehurve. Kështu, qasje “online” mbi një proces penal do të kenë vetëm personat që janë palë në proces, ose që kanë interes të ligjshëm në proces. Sipas gjykatës, këto ndryshime bëhen me qëllim për të mbrojtur të dhënat personale. (D.D/Shuplaka)
