Ditën e sotme është dekretuar nga Krue i Shtetit, Ilir Meta anëtari i ri i Gjykatës Kushtetuese, Besnik Muçi, i cili është penalizuar pasi ende nuk është dhënë një vendim nga Komisioi i Pavarur i Apelimit për precesin e vettingut.
I ftuar në studion e Lajmeve të Fax News për të folurt për këtë temë ishte avokati, Ferdinand Ndoja i cili tha se nëse Muçi shkarkohet nga KPA, Presidentit do ti duhet të propozojë një emër tjetër për Kushtetuesen nga lista që ka.
Ndoja tha se Muçi sipas tij i plotëson të gjitha kriteret për të zënë postin e anëtarit të Kushtetueses por nga ana tjetër theksoi se, kjo është në dorë të asaj çfarë del nga përfundimi i procesit të vettingut.
Kur mendoni se mund të kemi një Gjykatë Kushtetuese?
Besoj se do të ndodh shumë shpejt. Është i marrë fund. Besoj se ky vit do të përfundojë me një Kushtetuese funksionale. Dekreti i Presidentit nuk ka se si të ketë një ndikim në këtë institucion sepse ndaj janë ndarë që përzgjedhja e tyre. Pa Gjykatë të Lartë dhe Gjykatë Kushtetuese shteti merr fund, procesi i ndërtimit të institucioneve të reja të drejtësisë është shumë i ngadaltë. Mendoj se ndërtimi i tyre nuk duhej të kishte nisur nga lart poshtë por nga poshtë lart.
Si e lexuat vendimin ndaj ish-ministrit Tahiri?
Nuk e njoh nga afër këtë çështje, për mua nuk mundet që të ndryshonte akuza në shpërdorimi i detyrës. Aty ose kishte vepër penale për atë që u akuzua, ose nuk kishte. Shpërdorim detyre aty nuk ka, sepse në këtë kontekst aty mund të fusësh çfarë të duash. Nëse e akuzon për diçka të tillë, duhej marrë si vepër penale ose së paku të ishte hetuar, madje gjithë dikasteri i ministrisë që drejtonte. Nuk mund të them që ky proces u zvarrit sepse ne kemi njohur gjyqe që janë zvarritur shumë më shumë.
https://www.facebook.com/faxweb.al/videos/665383937203678/
(F.GJ/FAXWEB.AL)
