Gjykata ka dhënë masën e arrestit me burg me afat 30 ditë për efektivin Berhan Bajrakurtaj, i cili u akuza pak ditë më parë se kishte ngacmuar një të mitur.
Ndërkohë Afrim Bajrakurtaj, i vëllai i tij duke folur për mediat ka thënë që akuzat janë të pabaza.
“Nuk asht vllai jonë nëqoftëse ka bërë atë gjë, janë shpifje mediash. Kemi tre ditë që nuk dalim në rrugë, nuk ka ngacmuar asnjë të mitur”, është shprehur Bajrakurtaj.
Për policin u publikua pak ditë më parë në media një video me përmbajtje të rëndë, e cila u pretendua se i ishte dërguar një të miture. (LEXO KËTU)
Vetë Bajrakurtaj është shprehur se videon e ka bërë ai, po në ndryshim nga sa është thënë, personit që i është çuar nuk ka qenë në moshë të mitur.
Derimë tani nuk ka dalë ende personi që ka denoncuar se është ngacmuar nga inspektori i policisë, duke bërë që të ketë pak prova që rëndojnë pozitën e Bajrakurtit.
(E.K/FAXWEB.AL)
