Gjykata e Elbasanit ka dhënë vendimin “Detyrim Paraqitje” për dy mjekët e Elbasanit, kardiologun Mehmet Ibaj dhe reanimatorin Niko Thano të akuzuar nga famijarët e Rexhina Debrova si shkaktarë të vdekjes së nënës së re, dy ditë më parë.
Prokuror i kësaj çështjeje është Xheljan Seferi dhe Gjykatëse është Pajtime Fetahu. Mjeku reanimator mbrohet nga avokati Demir Fetahu, ndërsa kardiologu nga Ilir Murra.
Pala mbrojtëse kishte kërkuar më parë rrëzimin e kërkesave duke i konsideruar të pafaktuara.
Ndërkohë që familjarët e viktimës po protestojnë para Gjykatës duke kërkuar që përgjegjësit, të dënohen. (Lexo ketu)
Rexhina Debrova 25-vjeç ndërroi jetë pas lindjes në maternitetin e Elbasanit.
Burime kofidenciale bëjnë me dije se vdekja pas lindjes cezeriane e 25 vjeçares ka ardhur nga Koagulimi. Koagulimi është një mpiksje gjaku, e cila e bën këtë të fundit të trashë deri sa thahet përfundimisht.
Për pasojë nga mpiksja e gjakut është bllokuar një nga venat kryesore që çon gjakun në mushkëri, duke shkaktuar vdekjen e menjëhershme. Në mjekësi KOAGULIMI është i rralle, por më i shpeshtë te ndërhyrjet gjatë lindjes. (Lexo ketu).
E reja e ka pasur fëmijën e saj të parë, gjendja e të cilit paraqitet e mirë, pas operacionit ku e ëma e tij humbi jetën.
Spitali i Elbasanit ka dhënë një deklarate për mediat, ku shprehet se 25-vjeçarja “u paraqit në spital më datë 22.04.2019 në orën 10:25 paradite. Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50”.
Më tej në deklaratë thuhet se foshnja e ardhur në jetë u reanimua dhe gëzon shgëndet të plotë, ndërkohë që sa i përket punës së stafit mjekësor, thuhet se ka dhënë trajtimin e duhur, por nëna e re dyshohet se pësoi komplikacion postoperator trombemboli pulmonare, e papajtueshme me jetën.
Discussion about this post