Gjykata e Elbasanit, me gjyqtare Pajtime Fetahu ka marrë ditën e sotme në shqyrtim kërkesën e drejtuar nga fituesi në zgjedhjet e 30 Qershorit Gledian Llatja lidhur me konfirmimin e këtij të fundit në krye të Bashkisë së Elbasanit.
Gjykata ka vendosur ta shpall fitues Llatjan mbështetur sipas saj, në rezultatet zgjedhore të miratuara në Tabelën Përmbledhëse të Rezultatit për zgjedhjet e Kryetarit të Bashkisë Elbasan.
Llatja është kandidati i parë që njihen zyrtarisht në këtë formë si kryebashkiaku i ri pas zgjedhjeve të 30 Qershorit nga 61 bashkitë e vendit.
Ai do të zëvendësojë në këtë detyrë kryebashkiakun aktual, Qazim Sejdini i cili ka mbyllur mandatin e 3 në drejtimin e Elbasanit.
Ndërkohë, ky vendim vjen në një kohë kur bashkitë që drejtohen aktualisht nga përfaqësuesit e opozitës, kanë deklaruar se nuk do t’I lirojnë zgjedhjet pa u zhvilluar më parë sipas tyre në mëyrë demokratike, të lira dhe të ndershme ndërkohë që opzoita e bashkuar nuk e ka njohur procesin e 30 Qershorit, duke e konsideruar si një farsë zgjedhore dhe referendum që provoi se 85% e shqiptarëve nuk e mbështesin qeverinë dhe Kryeministrin Rama.
Ndërkohë, personi që pritet të marrë detyrën e rëndësishëm në drejtimin e një prej bashkive më të mdha në vend, ka deklaruar përpara zgjedhjeve se dëshira e tij ka qenë të kishte kandidat përballë, por meqë opozita sipas tij i ka bojkotuar zgjedhjet, kundërshtare më të fortë do të kishte bashkëshorten e tij.
(F.GJ/FAXWEB.AL)
