Gjykata e Apelit në Maqedoni ditën e nesërme do të shpallë vendimet për paraburgimin eventual të Nikolla Gruevskit, Gordana Jankullovskës, Mile Janakieskit, Kirill Bozhinovskit, Martin Protogjerit ashtu siç kërkonte Prokuroria Speciale.
Ndërkohë që pritet vendimi i Apelit, Gjykata Supreme do të fillojë të shqyrtojë ankesat e PSP që kanë kaluar dy nivelet gjyqësore, dhe tani presin nga kryetari i Supremes Jovo Vangellovski të japë fjalën përfundimtare pro ose kundër paraburgimit të disa personave.
VMRO- DPMNE ka akuzuar Prokurorinë Speciale se është politike dhe kontrollohet nga partia e Zoran Zaevit. Bojan Stojanovski nga VMRO, në një konferencë para Prokurorisë Speciale tha se të gjitha rastet e hapura nga PSP janë tërësisht konstruksione politike dhe nuk kanë asnjë pikë të përbashkët me drejtësinë.
“Akuzat për të gjithë këto raste të hapura janë pa asnjë provë, janë me qëllim që të bëhet persekutim politik ndaj VMRO-së, I inspiruar nga LSDM. PSP përpiqej që me para të arrinte në deklerata të rreme me qëllim që ti vërtetonte rastet e montuara. Atje ku nuk mund të blinte, PSP shërbehej me frikësim dhe kërcënim ndaj personave me qëllim që ata të vërtetonin dicka që nuk kishte ndodhur kurrë. Kjo nuk ka asnjë lidhje me drejtësinë por eksluzivisht me politikën. Veprimet e PSP-së prej fillimit shërbejnë vetëm për përdorimin e LSDM-së, për nxirjen e kreut të VMRO DPMNE-së”, u shpreh Bojan Stajonovski.
(S.SH/Shuplaka)
Discussion about this post