Gjykata e Tiranës ka pranuar zyrtarisht kërkesën e Arbër Çekajt, Donaldo Lushaj dhe Armando Pezakut për gjykim të shkurtuar. Këta të tre persona janë të dyshuarit kryesor për trafikimin e 613 kilogramëve kokainë në portin e Durrësi.
Të dyshuarit nuk kanë pranuar që kanë pasur lidhje me ngarkesën e drogës, e cila ka mbërritur nga Kolumbia. Avokatët e Donaldo Lushaj dhe Armando Pezakut kanë kërkuar të përcillen provat konkrete, por ato do të jepen në seancën e rradhës.
Prokuroria ka kërkuar afatin maksimal prej dy javësh për të dhënë pretencën. Seanca e radhës në datën 15 tetor, ora 10.00. Jepen konkluzionet përfundimtare.
3 të dyshuarit akuzohen për veprat penale “Trafikimi i narkotikeve”, “Grupi i strukturuar kriminal”, “Kryerja e veprave penale nga organizata kriminale dhe grupi i struktuar kriminal”, pas sekuestrimit të 613 kg kokainë në shkurt të 2018-ës.
Avokatët kanë kërkuar prova konkrete në lidhje me implikimin e tyre në ngjarje, pasi pretendohet se nuk janë fajtorë dhe s’kanë lidhje me ngjarjen.
