Gjykata e Krujës ka pranuar kërkesën e Rexhep Rrajës për gjykim të shkurtuar. Seanca e radhës për djalin e deputetit të PS-së Rrahman Rraja do të mbahet më 4 dhjetor. Në rast dënimi djali i deputetit Rraja do përftojë ulje dënimi me 1/3.
Ndaj Rexhep Rrajës ishte vendosur masa e sigurisë ‘arrest me burg’. Vetëm një akuzë rëndon mbi supet e 24 vjecarit Rexhep Rraja, i cili u vu në pranga pas dhunës së ushtruar ndaj të dashurës së tij Xhisiela Maloku: Përndjekje.
Në datë 24 tetor Gjykata e Krujës pranoi kërkesën e prokurorisë e cila për djalin e deputetit socialist ka ngritur akuzën e kanosjes ndaj Xhisiela Malokut.
Kjo çështje krijoi debate të forta politike pasi opozita akuzoi Rrahman Rrajen dhe deputetë të PS se i bënë presion policisë së Fushë Krujës për ta mbyllur këtë dosje.
(B.H/Faxweb)
Discussion about this post