Gjykata Themelore e Ferizajt e ka dënuar Dardan Krivaçën edhe në rigjykim me burg të përjetshëm për vrasjen e Marigona Osmanit. Krivaça është liruar nga akuza për dhunim, ndërkaq i akuzuari Arbër Sejdiu është dënuar me 15 vjet burgim për ndihmë në vrasjen e rëndë në bashkëkryerje, dhe po ashtu është liruar nga akuza për dhunim. Ky aktgjykim u shpall të hënën nga kryetari i trupit gjykues, Sahit Krasniqi, ndërkaq kundër këtij aktgjykimi palët kanë të drejtë për t’u ankuar brenda 30 ditësh në Gjykatën e Apelit.
Ngjarja e rëndë ndodhi në gusht të vitit 2021 në Ferizaj, ku dy të rinjtë pasi kanë dhunuar për 24 orë 18-vjeçaren, Marigona Osmani e kanë hedhur në derën e spitalit të Ferizajt, ku dhe humbi jetën, për shkak të plagëve të marra. Dardan Krivaqa dhe Arbër Hajdari janë kapur nga kamerat, duke hedhur 18-vjeçaren përtokë në derën e spitalit me 21 gusht. Fotot e tyre u nxorrën nga kamerat e sigurisë dhe u shpërndanë në të gjitha pikat kufitare dhe të gjitha drejtoritë të policisë së Kosovës. Viktima ka qenë e martuar prej dy muajsh me Dardan Krivaqa dhe se familja nuk kishin dijeni nëse ajo ka patur probleme me bashkëshortin. Dy autorët tashmë janë në burg.
Discussion about this post