Gjyqtari i Gjykatës së Apelit Vlorës, Skënder Damini, i cili ishte njëri prej tre anëtarëve të trupës gjykuese që dha aprovimin e uljes së dënimit të Dritan Dajtit nga burg përjetë në 25 vite, ka kërkuar në Gjykatën për Krime të Rënda pushimin e çështjes dhe kthimin e celularit të sekuestruar.
Nga ana tjetër, i biri, Lisien Damini, ka kërkuar kthimin e 17 mijë eurove të sekuestruara, me pretendimin se janë të justifikuara dhe me dokumentacion përkatës.
Gjyqi i zhvilluar i ndarë, me gjyqtare Liliana Bakun vendosi refuzimin për të dy kërkesat, lënie në fuqi e Shkallës së Parë.
Sipas gjyqtarit dhe të birit burimi i parave që u gjetën në shtëpinë e tyre ka qenë i ligjshëm, dhe për këtë ata kanë pasur dhe dokumentacion të rregullt.
Kujtojmë se Petrit Aliaj, Skënder Damini dhe Aleks Nikolli, tre gjyqtarët që votuan për zbutjen e dënimit të Dajtit iu bë kontroll i bujshëm në shtëpitë e tyre, po nuk u gjet asgjë që të implikonte rëndë pozitat e tyre.
(E.K/FAXWEB.AL)
Discussion about this post