Në seancën e radhës së gjyqit të Dosjes Gerdeci, ku i pandehur është Fatmir Mediu, ky i fundit nuk u paraqit për arsye se sipas avokatëve ai ndodhet në Shtetet e Bashkuara të Amerikës për vizita mjekësore. Kjo ka shkaktuar debat në sallën e gjyqit, pasi prokurorët kërkuan që gjykimi të vazhdojë pa praninë e tij.
Ish-ministri paraqiti një rekomandim nga një spital privat, ku thuhet se ai duhet të kryejë disa ekzaminime mjekësore. Ndërkohë, prokurori Klodian Braho theksoi se rekomandimi duhej të vinte nga mjeku i familjes dhe jo nga një spital privat, në mënyrë që të mund të merrej si i ligjshëm.
Në sallën e gjyqit, gjykatësja Zamira Durda kërkoi që procesi të merrej seriozisht nga ana e gjykatës. Seanca e radhës është caktuar për më 12 shkurt, në orën 9:00, ku ekspertët do të paraqesin në mënyrë të përmbledhur raportin për aktin tekniko-ushtarak.
Discussion about this post