Ditën e sotme është zhvilluar senanca gjyqësore ndaj deputetit Armando Prenga në Gjykatën e lartë, i akuzuar për plagosje me armë. Në këtë seancë Prenga nuk ishte i pranishëm por kanë dëshmuar para trupit gjykues 3 anëtarët e familjes së dëmtuar Cali, konkretisht Gjol, Julian e Dorian Cali.
Gjok Cali është shprehur në këtë seancë se Armando Prenga e ka kërcënoi me armë dhe se i qëndron kësaj akuze.
“I qëndroj akuzës për Armando Prengën, pasi ai na ka kërcënuar me armë zjarri. Prenga më goditi me qytën e pistoletës në kokë”,ka thënë para trupit gjykues Gjok Cali.
Për këtë ka reaguar avokati i Prengës pasi thotë se Armando Prenga nuk ka plagosur askënd dhe se klienti i tij është i pafajshëm.
Ndërsa sa i përket kërkesës për heqjen e mandatit në kuadër të dekriminalizimit, Baftjar Rusi tha se nuk është njohur ende zyrtarisht me kërkesën e Prokurorisë.
“Armando Prenga është i pafajshëm. Ai qëlloi në ajër për t’u vetëmbrojtur, pasi Calët e kërcënuan me thikë. Prenga nuk ka plagosur askënd”, – tha avokati. Deputeti Armando Prenga, i përjashtuar nga grupi parlamentar i Partisë Socialiste akuzohet për plagosje të rëndë, kanosje dhe armë mbajtje pa leje në lidhje me konfliktin me anëtarët e fisit Cali për lagunën e Patokut. (J.V/Shuplaka)
Discussion about this post