Në seancën e sotme në ngarkim të Denis shtrazës , i akuzuar për rrëmbimin dhe vrasjen e Gazmend Çollakut, dëshmoi edhe polici i parkingut të pikës së bllokimit të mjeteve në Rrashbull , Rushit .C. Ndryshe nga sa kishin deklaruar oficerët Alfred Hoxha, Lorenc Dervishi, Rebani Farruku, që pretenduan se njollat e gjakut ishin gjendur kur polici i pikës se bllokimit po kontrrollonte për gomën rezervë ai e ka kundërshtuar këtë.
Polici i pikës së bllokimit deklaroi se ai nuk kishte gjetur asgjë.” Ata (oficerët) se ça panë aty dhe thanë makinën do e marrim mbrapsht, unë nuk pashë asgjë dhe nuk mbajtëm as procesverbal”, tha ai.
Për këtë shkak kishte kundërthënie mes policit të pikës së bllokimit që deklaroi se nuk gjeti gjak kur po kontrollonte për gomë rezervë dhe tre oficerëve.
Mbrojta kërkoi ballafaqim mes tyre, kërkesë që u rrëzua nga Gjykata.
Mbrojtja kërkoi të pyetej eksperti gjerman për të përcaktuar ku kishte qenë makina ditën e ngjarjes, pasi prokurori u tërhoq nga kjo kërkesë. Por edhe këtë kërkesë Gjykata e rrëzoi. Për këto arsye dhe duke pretenduar për njeanshmëri te gjykatës avokatet kërkuan përjashtimin e trupit gjykues. Procesi do te vazhdojë të hënën me pyetjen e ekspertëve që kanë kryer analizat e AND-së.
Gazmend Çollaku u rrëmbye mbrëmjen e 6 janarit në parkingun e një lokali në Durrës nga persona të veshur me uniformë. 12 orë më vonë, ai u gjet i pajetë në Murqinë të Krujës. (B.H/Shuplaka)
Discussion about this post