Në Gjykatën e Lartë vijon procesi ndaj çështjes së Tom Doshit. Gjykata ka kërkuar që të paraqiten si dëshmitarë kryeministri Rama, ish-kryeministri Sali Berisha si dhe kreu i Kuvendit Meta.
Po ashtu Gjykata ka kërkuar që të ketë një ballafaqim mes Tom Doshit dhe ish-ministrit të Brendshëm Tahiri.
Mësohet se seanca e sotme ka nisur me një orë e gjysmë me vonesë. Përveç krerëve të vendit mësohet se ka dhe zyrtarë të tjerë që pritet të japin dëshminë e tyre.
Tom Doshi ka kërkuar që dëshmitarë për çështjen të ishte dhe kryeprokurori Adriatik Llalla, po kjo nuk u pranua nga Gjykata për shkak se kishte konflikt interesi. Llalla ka firmosur për arrestimin e tij.
Kujtojmë se ky proces gjyqësor ka nisur në momentin kur Tom Doshi akuzonte Ilir Metën se kishte organizuar një skenar për vrasjen e tij dhe deputetit Mhill Fufi. Po kjo i është kthyer si bumerang ndaj tij, pasi ai është vënë nën akuzë për kallëzim të rremë.
Mësohet gjithashtu se Gjykata ka rrëzuar kërkesën e avokatëve të Doshit për të sekuestruar tabulatet telefonike të kreut të Kuvendit Meta me deputetin Spartak Braho.
(E.K/SHUPLAKA)
Discussion about this post