Komisioni i pavaruar i Kulifikimit ka rrëzuar kërkesën e gjyqtarit Artan Lazaj për përjashtimin e trupës që do shqyrtojë dosjen e tij.
Përjashtimi u kërkua pasi, sipas palës mbrojtëse të gjyqtarit të Tiranës, trupa e KPK-së u tregua e njëanshme për kërkesën e Lazajt që donte t’u nënshtrohej të 3 komponentëve të vettingut, sikurse e kërkon ligji.
Por, kërkesa e tij është rrëzuar dhe seanca ka vijuar sipas procedurës së përcaktuar.
Artan Lazaj kandidon për një post në Këshillin e Lartë Gjyqësor.
Ndërkohë, KPK ka kryer hetim të thellë mbi gjendjen pasurore, mbi të ardhurat dhe shpenzimet e gjyqtarit, i cili rezulton të ketë një apartament me sipërfaqe 158 m2 në “Rrugën e Kosovarëve”, një apartament në Vlorë nga ana e babait, një apartament me sipërfaqe 120 m2 në rrugën e Durrësit, si dhe një pronë kullotë në Porto Palermo në Vlorë.
Gjithashtu, KPK bën me dije se Lazaj ka një automjet tip ‘Benz’ të blerë nga KQZ, si dhe deklaron se nga hetimi ka rezultuar se ka mjaft probleme, pasi pasuria nuk justifikohet, ndërsa sipas trupës ka bërë kontrata noteriale fiktive dhe nuk ka deklaruar pagesën për shkollën e vajzës në një kolegj privat. Përpara trupës së KPK, Laze mbrohej nga avokati Sokol Hazizaj. (B.H/Faxweb)
