Presidenti i zgjedhur Ilir Meta ka treguar sonte në Top Story se kur do ta linte përfundimisht politikën. Ai u shpreh se në momentin kur Shqipëria do të drejtohet nga të rinjtë me prirje europiane dhe larg retorikave konfliktuale ai do të ishte i gatshëm të braktisë skenën politike shqiptare. Kjo pasi sipas tij, roli i tij në politikë ka qenë përgjegjshmëria.
Pjesë nga fjala e Metës:
Nuk është një lamtumirë por një mirupafshim. LSI ka kauzë t’i shërbejë stabilitetit politik.
Absolutisht që LSI mund të jetë forcë e parë. LSI ekziston në çdo familjen shqiptare. Të them me bindje të plotë, do të jetë një kryetar më i mirë Vasili se Ilir Meta, kam besim të plotë te drejtimi i tij, është figura më e sprovuar gjatë këtyre viteve. Ka të gjitha pjekuritë, ka integritet dhe personalitet të plotë, nuk tundohet nga pushteti dhe interesat. Me gjithë këto elementë pozitvë që ka do të ketë rezultat dhe unë nuk do jem xheloz. Ka ardhur momenti që kjo forcë politike që kjo forcë politike të tregojë të gjithë potencialin e saj.
Objektiv kryesor duhet të jetë për LSI të jetë një shembull për një fushatë larg denigrimeve, larg retorikave helmuese, jam i sigurt që do të jetë shumë pozitive, të rinjtë tanë janë shumë prezentë.
Besoj se edhe duke qenë kryetar i LSI i kam shërbyer vendit, unë nuk mund të bëhem hipokrit të them që pas 24 korrikut nuk do të jem socialist, në 24 korrik fillon një jetë krejt e re për mua. Nuk e përjetoj si një mbyllje karriere.
Do të isha larguar nga politika nëse Shqipëria do të ishte një vend i qetë.
Unë kam qenë kryeministër në moshë të re, nuk ka ekzistuar një garë që unë të bëhem kryeministër, Ramës i kam dhënë mbështetje, do t’i jap mbështetje, ai ka përgjegjësinë më të madhe për atë që do të ndodhë.
Unë nëse Shqipëria do të drejtohej nga të rinj dhe të reja europianë unë do kisha ikur që dje nga jeta politke, ka qenë një jetë shumë e vështirë për mua. Natyrisht që ikja ime është si ajo kur ikën kur fëijët rriten, ekzistenca ime në politikie është përgjeshmëri. Unë mund të kem bërë shumë gabime, mund të kem shumë mangësi.
Jam i ri, gjyshi ka jetuar deri në 110 vjeç. Por ëndrra ime është që këta të rinj të drejtojnë Shqipërinë, do të isha shumë i qetë.
Presidentin Nishani e vlerësoj , ka qenë mjaft korrekt, mjaft njerëor, shoqëror, modest, më telefonoi dhe më uroi për zgjedhjen si president. E vlerësoj pa dyshim këtë sjellje mjaft institucionale.
(M.D/Shuplaka)
Discussion about this post