Eshte rritur numri i të shoqëruarve në Komisariatin e Policisë së Elbasanit të cilet po dëshmojnë rreth bllokimit të rrugës teksa po kalonte eskorta e kryeministrit Rama.
Mes të shoqëruarve që po dëshmojnë është edhe ish-deputeti Luçiano Boçi.
Burime zyrtare nga dega e Partisë Demokratike në Elbasan bëjneë me dije se janë thirrur të dëshmojnë gjithashtu të gjithë protestuesit e sotëm, përfshirë ish-deputët, si dhe ish- kryetari i PD Aurel Bylykbashi por edhe kreu aktual Eugen Isaj.
Deri në orët e pasditës ishin shoqëruar mbi 20 persona të cilët akuzohen për grumbullim të paligjshëm dhe bllokim rrugësh, si dhe për prishje të rëndit e qetësisë publike pasi gjatë ditës së sotme tentuan ti bllokonin rrugën eskortës së Kryeministrit Edi Rama.
Kujtojmë se vizita e kryeministrit Rama është pritur me protesta në qytetin e Elbasanit, ku dhjetra qytetarë kanë bllokuar rrugën në Bradashesh.
Pavarësisht numrit të lartë të policëve, qytetarët u shprehën të vendosur në qëndresën e tyre, ndërsa nuk kanë munguar as përplasjet fizike.
Së bashku me qytetarët në bllokimin e rrugës kanë qenë të pranishëm dhe ish-deputetë të PD-së si Luçiano Boçi dhe Edmond Spaho (lexo këtu).
Ky i fundit madje nuk është kursyer as nga efektivët e policisë, që sipas tij e kanë qëlluar me grusht.
Fillimisht në videon e mëposhtme Spaho fton qytetarët që të afrohen dhe të çajnë gardhin e Policisë, teksa iu thotë: Hajdeni mo hajdeni, pse rrini aty?!
Discussion about this post